.....بيتك العتيق .....
مرقت على بيتك
العتيق
قلت لحالي
يمكن بلاقيك
أستحليتلك هدية
وردة جورية
قطفتها ع الطريق
.......
يا دروب الماضي
البعيدة
يا قصة حب
عرش عليها
الحكي
وصارت بأدراج
منسية
يا حكاية وجع
و حنين
يا دمعة بكي
ياضيعان السنين
.........
دقيت على الأبواب
رد الصدى
(من بيتك العتيق )
هجروني الأحباب
(و تقفلت الأبواب )
يا كسرة الخاطر
يا خيبة المشوار
يا حزن الغياب
.......
بتذكر شو كنا
و شو كانوا يحكوا عنا
بليالي الصيف
سهرات عمرانة
عشق و مغنى
و القمر ضاوي الليل
بيشهد لألنا
و ببرد الشتي
حول كوانين النار
يحلى السمر
بقعداتنا
يا البيت العتيق
وين صاروا الأحباب
و وين صرنا
........
وينك يا أيام
الصبا
يا قلوب مليانة
حب و هنا
كان الحلم
لمة فرح بالعيد
صار الحلم
يتجمعوا الأحباب
يا البيت العتيق
فتح هالبواب
بلكي بيرجعوا
الغياب
(نضال ع الحرك)
ليست هناك تعليقات:
إرسال تعليق