ياحسرة ع أيام
وكنا نغزل حكايات
بعطر الحب نرصّعها
ونسهر مع القمر ونعدّ
هالنجمات
مافي للتعب مطرح
وننسى الهموم
والغمّات
ياترى شو اللي جرى؟!
وين القمر ؟!
وين الحكايات؟
معقول غابت النجوم
وتخبّيت ورا الغيمات؟
والحب وينو؟
معقول قصّر عمرو
الوجع والهموم؟!
الحب أقوى وهيك
تعلّمنا من الحياة
ومهماجرى مابيكسرو
الضّيم ولابتمحيه
العتمات
بينهض أقوى ويعتلي
بنورو كأنو بالسما
نجمات
وياريت ترجع أحلى
أيام وبالحب عمرانة
وقلوبنا تصدح غنيّات
و
ب لمتنا تحلا السهرات
(هند)
ليست هناك تعليقات:
إرسال تعليق